ليه أدور العجل؟
بمرور الوقت من الطبيعي أن يتأكل العجل ونظرا لان كل سكاتر له حركاته المفضله وتوزيع ثقل و اتزان مختلف، وكمان مع الوقت بيغير السكاتر من امكانياتة و عاداته، ومع ارتفاع مستواه معدل استهلاك العجل بيزيد وده شئ طبيعي و غير مقلق، و بيكون التاكل ده غالبا مش منتظم ولا متساوي بين العجلات كلها، ولكن الملاحظ إنه اغلب الوقت بيكون التاكل من الجانب الداخلي للعجل او بمعني اصح اتجاه بطن القدم، ولو استمر التآكل بنفس الشكل والطريقة فـهيكون لازم العجل يتغير زي ماهو واضح في الصورة اللآتية |
| أمثلة لتأكل العجلات |
- العجلة A عجلة سليمة
- والعجلة B فيها تأكل بسيط
- والعجلة C فيها تاكل شديد ووالمفروض تعمل تدوير للعجل لو وصلت للحالة دي
- اما بقى العجلة D فيها تاكل شديد غالبا بيكون نتيجة اهمال عجلة في الشكل C وبعد ماوصلت لكده لازم تتغير وخلاص مش هيفيد تدويرها
 |
| عجلة تحتاج تدوير |
لو عالجت الموقف؟
طيب بعد ماشفنا عدم التدوير بيؤدي لإيه تعالوا نشوفبيحصل إيه لو دورنا العجل
- العجلة جديدة ما شاء الله, مبروك عليك
- التآكل بقى منظره مش ظريف ولازم تدوير
- بعد التدوير بفترة, العاجل متاكل بس مازال ممكن يستعمل
هل ياترى في أسباب تخلي العجل يتاكل اسرع؟
- لو وزنك تقيل
- معامل متانة العجل عندك اقل من 82A (* لمعلومات أكترعن صلابة العجل روح ل"معاملات متانة العجل")
- قطر العجل صغير
- إنت بتسكيت على أرض مكسرة كتير
- بتعمل حركات تحتاج slide كتير
- بتعمل T-Stop كتير
- بتاخد خطوات طويلة وقوية
- بتعمل sprint كتير
وعلى فكرة نفس المشكله دي بتواجه السيارات و بيحتاجوا من وقت للتاني يبدلوا اماكن العجلات عشان يوزعوا التاكل علي كل العجل فيعيش فترة اطول نسبيا،
طيب هافترض انك اقتنعت و بصيت علي العجل و لقيت انو متاكل و محتاج تدوير، هل هاتفك العجل كده وتحط اي حاجه مكان اي حاجه؟!
لا طبعا، احنا سكاترز والسكاتنج علم مش فهلوه....
لو مش عارف إزّاي تفك العجل تعالى نشوف بيتفك إزّي من هنا "كيفية فك العجلة"
وبما إن في انواع كتير من السكاتس 3,4,5 عجلات يبقى لازم يكون في كذا طريقة للتدوير.
طب المفروض تعمل ايه!!
اولا وقبل كل شيء لازم العجل اليمين يروح للرجل الشمال والعكس, بنفس وشهم, يعني الوش اليمين للعجلة يفضل وش يمين رغم إن العجلة جت من الفردة اليمين للفرده الشمال.
وبما إن في انواع كتير من السكاتس 3,4,5 عجلات يبقى لازم يكون في كذا طريقة للتدوير.
للسكتس ذات ال3 عجلات
بص يا سيدي الي الناس اتعلمته و اكتشفوه بعد سنبن من التجارب و العجل الي اتهري و اتبري علي الأسفلت، إن العجلة اللي قدام أكتر واحدة بتتهري واللي ورا خالص تاني واحدة بتتبهدل, عشان كده أفضل طريقة لتدوير العجل هي
- تجيب العجلة الوسطى في الرجل دي ورا في الرجل التانية
- العاجله الخلفية تروح للأمام
- العاجله الامامية ترجع في النص
للسكتس ذات ال4 عجلات
العجلتين الأمامية والخلفية أكتر عجل بيتأكل عشان كده العجلتين الاماميتين لازم يروحوا مكان العجلتين الخلفيتين للرجل التانيه والعكس بالعكس زي ماهو واضح في الرسمة مع مراعاة إن العجل اللي كان عالاطراف هيبقى في النص عشان مايتأثرش كتير
للسكتس ذات ال5 عجلات
تتحرك الثلاث عجلات الأمامية للخلف عجلتان وتذهب العجلات الخلفية للأمام بترتيبهم كما في الرسم التوضيحي
ليست هناك تعليقات:
إرسال تعليق